D' ellu vogliu imparà ogni stonda, ogni ore,
E strade imbalsamate duv'ellu và à corre.
Vogliu cunnosce tuttu di tutte e so passione,
Fà chì le nostre vite diventinu canzone
Tene lu so rispiru à lu meiu appiccatu,
È mischià mi cun'ellu da perde ne u fiatu.
More in li so bracci, rinasce in le so mane,
Ch'ellu sippia l'autore di lu nostru dumane.
Impastà un amore più bellu è più forte,
Ch'ellu sippia la chjave da apre ogni porte,
Da scatenà mi, infine, di ciò chì mi ritene,
Pè girà mi cun'ellu versu un stessu avvene.
Cumpone, eiu è ellu, una vita nuvella.
Indè lu mio celente serà l'unica stella.
Vogliu imparà d'ellu tuttu ciò chì s'impara,
È in lu so campà, mette a mio vita para..
Angélique Bazziconi
d'Ellu
Novembre 2009
Vaghjime
Sparti in la natura d'una manu fatata,
I culori di focu brusgianu lu mio core,
Vaghjime misteriosu, stagione tantu amata,
Maestru di lu tempu faci nice di more..
Sole, eppo acquate, stilpanu le to ore.
L'aria face ballà l'alburu maestosu,
Magia armuniosa d'issu ventu chì corre
Frà le fronde inacquate d'un ragiu luminosu...
Duve certi ci vedenu tristezza è spaventu,
Lodu la to bellezza chì tuttu in mè appacia.
Ind'un sintimu stranu di spusà ne u ventu,
A lu soffiu cutratu porghju pianu la faccia.
Cum'è à un amante, u mio esse offertu,
Mi nascondu cun tè è diventu vaghjime.
Ora possu vulà cù lu core apertu
È gode l ' armunia da la piaghja à le cime..
Angélique Bazziconi
Vaghjime
22/11/09
I Fiori di l Eternu
à mamma...
A rosula maestra di lu mio ortu chjosu,
Avia u prufume di la to pella d'oru.
M'imbalsamava u core stu muscu generosu,
Ùn ci n'era, per mè, più preziosu tesoru.
Cume pudia fà pè tene stu giuvellu ?
I fiori, a sapemu, campanu una stonda..
L'alba tradimentosa d'issu ghjornu nuvellu,
Hà invizzitu è tombu sta belezza prufonda.
Di tamanta armunia mi fermanu sumente,
U mo scopu, ormai, hè di fà le sbuccia,
Annacquate da l'onda d'una chjara surgente.
Ne chjamu à lu sole pè cumbatte l'invernu.
Davanti à lu Signore ghjurgu d'ùn rinuncià,
Di fà, d'isse sumente, un fiore à l'eternu..
Angélique
I Fiori di l Eternu
A rosula maestra di lu mio ortu chjosu,
Avia u prufume di la to pella d'oru.
M'imbalsamava u core stu muscu generosu,
Ùn ci n'era, per mè, più preziosu tesoru.
Cume pudia fà pè tene stu giuvellu ?
I fiori, a sapemu, campanu una stonda..
L'alba tradimentosa d'issu ghjornu nuvellu,
Hà invizzitu è tombu sta belezza prufonda.
Di tamanta armunia mi fermanu sumente,
U mo scopu, ormai, hè di fà le sbuccia,
Annacquate da l'onda d'una chjara surgente.
Ne chjamu à lu sole pè cumbatte l'invernu.
Davanti à lu Signore ghjurgu d'ùn rinuncià,
Di fà, d'isse sumente, un fiore à l'eternu..
Angélique
I Fiori di l Eternu
In vanu
Aghju digià luttatu contr'à tante timpeste,
Più nisuna ventera ùn mi pò fà piegà,
Frà tutte le lezzione d' infernu o celeste,
Fermanu pochi affari chè mi poi spiegà...
Forse mi poi dì ciò ch'hè sta gattivera
Chì l'omu pò produce di pettu à i sò pari,
Ma cosa pò sperà ? à cosa ghjuverà ?
Ùn hè megliu d'amà chè d'esse tantu amari ?
Aghju fattu le prove d'iss'odiu è d'iss'orgogli,
Chì m'anu resa soda, dura cumè sti scogli,
Chì anu sta presenza è stu passatu arcanu.
Lacrime n'aghju pientu da empie una funtana,
Ùn so mancu sicura d'essene sempre umana,
È tutte isse parolle parenu scritte in vanu.
Angelique Bazziconi
In vanu
Più nisuna ventera ùn mi pò fà piegà,
Frà tutte le lezzione d' infernu o celeste,
Fermanu pochi affari chè mi poi spiegà...
Forse mi poi dì ciò ch'hè sta gattivera
Chì l'omu pò produce di pettu à i sò pari,
Ma cosa pò sperà ? à cosa ghjuverà ?
Ùn hè megliu d'amà chè d'esse tantu amari ?
Aghju fattu le prove d'iss'odiu è d'iss'orgogli,
Chì m'anu resa soda, dura cumè sti scogli,
Chì anu sta presenza è stu passatu arcanu.
Lacrime n'aghju pientu da empie una funtana,
Ùn so mancu sicura d'essene sempre umana,
È tutte isse parolle parenu scritte in vanu.
Angelique Bazziconi
In vanu
I pienti d una mamma
Sì partutu suldatu, fieru è curagiosu.
Sì ghjuntu in una cascia ch'elli avianu chjosu,
Cuperta di a bandera di la cara nazione
Ch'è tù ai difesu cun fede è passione.
Anu datu à mamma a medaglia d'argentu,
Ultima testimonia di lu to soffiu spentu.
Degna è ferita donna, si perde un figliolu,
È per l'eternità ne purterà lu dolu.
Quantu ci ne serà mamme afflitte in sta terra,
Chì anu vistu parte u so sangue à la guerra ?
Quantu lacrime amare è suppliche mandate,
A u celu imputente ancu s'ellu cumpate..
In ogni cunflittu chì strappa oghje lu mondu,
A fiancu à ogni omu, cunvintu è furibondu,
Di causa ghjudicata da l'altri, o bè o male,
I pienti d'una mamma sò innu universale.
Ch'importa lu culore di l 'elmu o di la vesta,
Verdi, bianchi o grisgi, o di culore celesta,
U solu, à una mamma, ch'ùn li possi dispiace,
E quellu tralucente di a santissima pace..
Angelique Bazziconi
I pienti d'una mamma
Sì ghjuntu in una cascia ch'elli avianu chjosu,
Cuperta di a bandera di la cara nazione
Ch'è tù ai difesu cun fede è passione.
Anu datu à mamma a medaglia d'argentu,
Ultima testimonia di lu to soffiu spentu.
Degna è ferita donna, si perde un figliolu,
È per l'eternità ne purterà lu dolu.
Quantu ci ne serà mamme afflitte in sta terra,
Chì anu vistu parte u so sangue à la guerra ?
Quantu lacrime amare è suppliche mandate,
A u celu imputente ancu s'ellu cumpate..
In ogni cunflittu chì strappa oghje lu mondu,
A fiancu à ogni omu, cunvintu è furibondu,
Di causa ghjudicata da l'altri, o bè o male,
I pienti d'una mamma sò innu universale.
Ch'importa lu culore di l 'elmu o di la vesta,
Verdi, bianchi o grisgi, o di culore celesta,
U solu, à una mamma, ch'ùn li possi dispiace,
E quellu tralucente di a santissima pace..
Angelique Bazziconi
I pienti d'una mamma
Messaghju
La notte s'impatrunisce di tuttu ciò chì mi circonda,
Si piglia l'aria, si piglia la terra è si piglia l'onda
Nantu l'onda avia messu un battellucciu di carta,
Hè smaritu u mio vascellu in la zeppa notte sparta.
Nantu, eiu ci avia scrittu cu l'inchjostru di le pene,
Un missaghju chì dicia u mio piu grande secretu,
Parlava di un amore chì corre in le mio vene,
Palisava la ferita d'iss' impussibile affettu.
Forze, s'ellu tene forte senza fà si inabbissà,
U battellu ghjungerà finu à l'alba salvatrice,
Stu fragile messaghjeru tandu puderà cunfessà
A lu ghjornu chì si pesa, è dulente venice.
Ma, ancu puru à palesu, u dulore ùn pò piantà.
Cum'è un fandoniu fidu à la mio vita s'agguanta.
Ferma in mè notte è ghjornu, seppellitu sottu pella,
È senza avè permissione a mio alma affratella.
Angelique Bazziconi
Messaghju
L alma à sa..
Nanta stu caminu incertu fermanu sperenze in fulena,
Cumpagne pè l eternita d un' alma sola chì prumena,
Un mazzulu in manu manca cumpostu di tantu dulore,
chì certe alme, più serene, anu battizatu "l'amore"...
Più chè ruvida hè la strada, cum' una longa dannazione,
Fusse ella puru tagliata, ma chì pò dà si a permessione ?
L alma à sa, ciò ch elle sò, stè stonde perse à circa sempre
Daretu porte arrughjinite chì nisuna forza ùn sà apre.
Sdraiate in dietru ci dormenu le più belle di le prumesse,
È u spirdu campa sapendu ch elle ùn puderanu mai esse.
Più chè ruvidu hè l amore, cum'una longa dannazione
Fusse ellu puru beatu, ma chì pò dà mi s illusione ?
Angelique Bazziconi
L'alma à sà
un ghjornu d illusione
di novembre 2009
Cumpagne pè l eternita d un' alma sola chì prumena,
Un mazzulu in manu manca cumpostu di tantu dulore,
chì certe alme, più serene, anu battizatu "l'amore"...
Più chè ruvida hè la strada, cum' una longa dannazione,
Fusse ella puru tagliata, ma chì pò dà si a permessione ?
L alma à sa, ciò ch elle sò, stè stonde perse à circa sempre
Daretu porte arrughjinite chì nisuna forza ùn sà apre.
Sdraiate in dietru ci dormenu le più belle di le prumesse,
È u spirdu campa sapendu ch elle ùn puderanu mai esse.
Più chè ruvidu hè l amore, cum'una longa dannazione
Fusse ellu puru beatu, ma chì pò dà mi s illusione ?
Angelique Bazziconi
L'alma à sà
un ghjornu d illusione
di novembre 2009
Inscription à :
Messages (Atom)
